FALANDO DO BO TRATO CON ÁM@ME

En Xaneiro deste ano visitáronnos no centro Chis Oliveira e Amada Traba para falarnos do bo trato, das relacións respectuosas e do afecto, para falarnos do seu libro "Ám@me", unha das lecturas que tivemos este ano no Club de Lectura de Igualdade.

 Visitaron a nosa emisora de radio, onde alumnado de Bacharelato  entrevistounas. 

 

Despois, no Salón de Actos do centro, falaron co alumnado de 1º Bacharelato (C e H), CAE Dual e Mantemento Electrónico de relacións afectivas, do bo amor, de como se constrúen as relacións de parella, de diversidade sexual e de moitos outros temas que lles interesa á mocidade e que lles afecta como parte da sociedade.

 

Unha marabilla gozar da compañía de dous referentes do feminismo como son Chis e Amada. So nos quedan palabras de agradecemento pola súa visita e o seu tempo, e agardar que nos volvan a visitar para o próximo curso.

 A VIOLENCIA DE XÉNERO NOS NOVOS CONTEXTOS DIXITAIS

O 17 de xaneiro estivo no centro Haizea Álvarez, de Pantallas Amigas, a iniciativa polo uso seguro e saudable de Internet e doutras TICs na infancia e nas adolescencia, e por unha cidadanía dixital responsable. 

 Cos cursos de 2º e 3º da ESO Haizea desenvolveu o obradoiro educativo "Violencia de Xénero e o novo contexto dixital", centrado no coñecemento e prevención das novas formas de violencia que xurden no contexto dixital: ciberviolencia de xénero, grooming, sextosión, revenge porn, sexting..... así como a xestión do uso do móbil e o control das redes sociais.

Unha formación moi interesante e moi necesaria, sobre todo nos tempos que corren. Importante para reflexionar de como actuamos nos contextos dixitais e da repercusión e consecuencias dos nosos actos.

Este obradoiro é un dos recursos que ofrece o Programa "Por 365 días de respecto e igualdade" do PLAN PROXECTA 2021/2022

EMPODERAMENTO FEMININO E MASCULINIDADES DISIDENTES

Pepe Cabido e Sonia Fernández desenvolveron co alumnado de 4º da ESO dous obradoiros: Cos nenos Pepe traballou como se constrúe actualmente a masculinidade e do positivo dun cambio "Da masculinidade hexemónica á masculinidade disidente", mentres Sonia traballou coas nenas o "Empoderamento Feminino". Foi tal a acollida que case a final de curso organizouse unha segunda parte destes obradoiros, onde xa se profundizou en como a mocidade se relaciona tanto afectiva como sexualmente. 

Unha experiencia moi positiva, e moi ben valorada polo alumnado participante.

 

 Para o próximo curso agardamos unha nova visita de Pepe e Sonia no centro!!

TRABALLANDO A PREVENCIÓN DA VIOLENCIA DE XÉNERO CO ALUMNADO.

 

O alumnado dos CS de Sistemas de Telecomunicacións e Informaticos e Imaxe para o Diagnóstico e Medicina Nuclear (1ºA) elaboraron infografías onde se explican cada unha das maneiras en que as mulleres sofren violencia de xénero. As infografías foron realizadas na ferramenta CANVA, aínda que finalmente maquetáronse en cartón-pluma para poder expoñerse físicamente polo centro.Este foi o resultado: 

 

Pódese acceder a cada unha das infografías dende a seguinte presentación. Premendo sobre o elemento con interactividade (a man morada) da presentación accédese a todos os contidos.

 

 

Ademais das Violencias explícitas recoñecidas como tal, existen unha multitude de situacións que estando normalizadas, constituen verdadeiras situacións de violencia contra as mulleres. Son situacións algunhas delas que se xustifican como bromas e/ou situacións de estrés ou agobio do agresor.

No seguinte vídeo o alumnado do CM de Coidados Auxiliares de Enfermería Dual, de CM de Instalacións de Comunicacións e do CS de Sistemas de Telecomunicacións e Informáticos denuncia verdadeiras situacións de violencia de xénero invisibilizadas e normalizadas dende sempre. Dende aquí podedes visionar "Identificando Violencias"

 

 

 

ACTIVIDADES PARA A PREVENCIÓN DA VIOLENCIA  MACHISTA DO PLAN DIRECTOR E DO CONCELLO DE VIGO.  

No centro desenvolvéronse varios faladorios orientados á prevención da violencia machista, á desmitificación do amor romántico, á visibilización da violencia sexista na publicidade, nos entornos de traballo e nos espazos virtuais.

 

Durante o primeiro trimestre do curso impartíronse varios obradoiros sobre "Prevención da Violencia de Xénero" e "Riscos das Novas Tecnoloxías" do Plan Director 2021/2022 para alumnado de diferentes grupos e niveis educativos, dende a ESO a Ciclos Formativos, pasando pola Bacharelato e a FP Básica.

 

 

Paneis da exposición

 

 Polo Concello de Vigo, a través do "Enlaza Vigo" impartíronse dúas formacións sobre "A prevención da Violencia Sexual", unha presencial cos ciclos de Xestión Administrativa e Asistencia á Dirección, outra on-line con 3º e 4º da ESO e púxose á disposición do centro a exposición "A escala da violencia na adolescencia" (premendo enriba da imaxe poderás acceder a todos os paneis da exposición).

 

 

 

 

 

Co alumnado do CM CAE Dual asistimos dende a aula ao Webinar en streaming  sobre "Prevención da Violencia Laboral" organizado polo ISSGA e impartido pola mutua de ATEP Ibermutuamur. (Se premes enriba da imaxe podes acceder ao mesmo).

 

 CREACIÓN DUN PUNTO LILA

O interese en visibilizar o Instituto como un centro con Tolerancia Cero cara a Violencia Machista, no so ante as persoas que circulan polo mesmo todos os días (alumnado e profesorado e persoal non docente) senón tamén ante o resto da comunidade educativa (inspección, familias...) e ante as persoas alleas ao centro que por distintas circunstancias accedían ao mesmo (persoas que veñen a impartir faladoiros e/ou obradoiros, reparto postal, persoas usuarias do Viveiro de Empresas...) i en achegar información precisa e veraz sobre todo ao alumado levounos a crear un punto lila na entrada do centro. 

O concello de Vigo facilitounos diverso material moi axeitado e variado para esta finalidade.

O punto lila sitúase ao carón da portal principal de acceso ao edificio central do IES, concretamente na porta de entrada. O alumnado pode recoller información e material como pulseiras ou chapas.

Este punto lila créase coa finalidade de establecerse como un elemento permanente no centro (non foi algo temporal para a data do 25 de novembro).

DIFUSIÓN ENTRE A COMUNIDADE EDUCATIVA DA "GUÍA DE ACTUACÍON ANTE CASOS DE VIOLENCIA DE XÉNERO NO ÁMBITO EDUCATIVO" 

A comezo de curso, para dar a coñecer  a "Guía de actuación ante casos de Violencia de Xénero no ámbito educativo" publicada pola Xunta no ano 2020, fixéronse pequenos carteis coa foto da guía e un código CR que lles permitía ás persoas acceder á información dende os seus móbiles. Eses carteis colocáronse por todo o centro: corredores, seminarios, cafetaría, sala de profesorado, despachos de dirección, ximnasio, portas de acceso aos edificios, en todas as aulas e na propia páxina Web do centro.

Programas 2023/2024 para a "Prevención da Violencia Sexual na mocidade e de 
calquera violencia machista" e Promoción do respecto e a 
Igualdade de Oportunidades

Programas 2022/2023 para a Promoción da Igualdade entre mulleres e homes,
a Visibilidade do traballo e as achegas das mulleres e a Prevención da 
Violencia Machista

Programas 2021/2022 para a prevención da
Violencia Machista e a promoción da Igualdade