ENLAZA VIGO 2022/23: MOZAS E MOZOS CONTRA O MACHISMO

O 16 de novembro: Faladoiros “ENLAZA VIGO” desenvoltos polo Concello de Vigo para a prevención da Violencia de Xénero. Asistiron 3º e 4º da ESO, 1º CM XA-A, 1º CM XA-B, 1º CM TCAE Ordinario, 1º CM IT. Outro ano mais persoal do Enlaza Vigo desprazouse ao centro para impartir varios faladoiros nos que se pretende sensibilizar á mocidade fronte ao machismo, as condutas sexistas, a violencia contra as mulleres en todas as súas formas e a violencia sexual, unha das violencias machistas máis presentes entre a mocidade.

Unha das propostas do Enlaza Vigo, que se leva a cabo todos os anos, e a “Feira Educativa”. Nesta feira convídase a 12 centros educativos de Vigo a participar no acto e ponse a disposición de cada un deles un espazo expositivo no que poden montar un stand onde se visibiliza o traballo realizado nos centros de ensino, no marco da sensibilización, a educación en igualdade e a prevención da violencia de xénero. Os centros participantes coordinan coa organización os recursos necesarios e a dinámica a seguir no espazo expositivo. Esta ano, igual que outros pasados, o IES Ricardo Mella tamén participou e dispuxo dun stand expositivo na feira, onde se achegou material resultado de traballar a igualdade, a diversidade e a prevención da violencia noutros cursos pasados. Os resultados:

 

INTELIXENCIA ARTIFICIAL CONTRA O MACHISMO

O 4 de novembro realizáronse os Obradoiros de Presentación, Proba e Avaliación da Ferramenta Dixital “IA4Women” desenrolada por investigadoras do grao de Enxeñaría de Telecomunicación da Universidade de Vigo para 2º ESO, 1º CM TCAE Ordinario, 1º CS STI e 1º CS IDMN.

Rebeca Díaz Redondo e Ana Fernández Vilas, ambas investigadoras de atlanTTic e docentes da Escola de Enxeñaría de Telecomunicacións da UVigo, visitaron o centro para presentarnos o Proxecto IA4Women. IA4Women é unha ferramenta web de Intelixencia Artificial para mulleres que permite analizar, mediante técnicas de procesado da linguaxe natural e machine learning, comentarios machistas nas redes sociales. Segundo a porcentaxe de violencia que haxa nos comentarios, un semáforo establece unha cor en función do seu grao. O proxecto, no que participa atlanTTic xunto a DATASALUS, está financiado pola Cátedra Feminismos 4.0 da Deputación de Pontevedra ea Universidade de Vigo. O alumnado puido testar a ferramenta, comprobando como pode detectar nun vídeo ou nun texto se existen comentarios machistas ou sexistas.

Moitas grazas ás investigadoras e á Universidade pola formación e por contar co Ricardo Mella para a mostra da ferramenta.

 

👇👇👇Rebeca e Ana nas aulas.

 

NOVA EDICIÓN DO PLAN DIRECTOR: NOVAS TECNOLOXÍAS: RISCOS E PREVENCIÓN" 

O 28 de outubro 2.023 leváronse a cabo os Obradoiros do “Plan Director” sobre Novas Tecnoloxías con 2º, 3º e 4º ESO, e con FP Básica (familias administrativo e electrónica), impartidos pola policía nacional.

Con estas accións preténdese que o alumnado tome conciencia dos riscos que existen nos eidos dixitais, das consecuencias negativas do mal uso das redes sociais ou do dispositivo móbil e dos delitos cibernéticos dos que poden ser vítimas se non prestan atención ou non son coidadosas ou coidadosos cando se relacionan a través das redes con persoas que non coñecen.

Tamén se falou da ciberbuling, de como o acoso que sofren moitas crianzas non para cando se sae da escola, senón que continúa nos fogares a través dos grupos de Whatsapp ou a través de Instagram ou Twitter, por citar algunha rede.

 QUEROTE+ NO INSTITUTO

O 25 de outubro 2.022 leváronse a cabo 3 Obradoiros impartidos por persoal do centro Quérote+ de Vigo. Os grupos e os talleres que se levaron a cabo foron:  

• Con 3º ESO: “Imaxe persoal e autoestima”
• Con 2º ESO “Quen é Querote+?”
• Con 1º FP Básica Administrativo e Electrónica: “Sexualidade e Adolescencia”

O obxectivo destes faladoiros foi dar a coñecer entre a mocidade os centros Quérote+, como un recurso que ofrece a Consellería de Política Social e Xuventude, explicando cales son os servizos que ofrecen estes centros. A maiores con 3ºESO tocaron temas moi sensibles entre a rapazada, sobre todo entre as mozas, como é a preocupación de gustarlles aos demais e como pode afectar na súa estima o feito de que os seus corpos, as súas aparencias, os seus físicos poden afectar moi seriamente á súa estima. Tamén se falou de sexualidade, de como se constrúen as relacións sexuais entre a xuventude, de como afrontar a sexualidade nunha etapa tan complicada como é a adolescencia.