CANTO SABEMOS DA ENDOMETRIOSE??

Comezamos con forza falando dunha doenza que afecta a un número importante de mulleres, entre un 10 e un 15% da poboación feminina, que se falamos de números máis concretos, entón máis de 2 millóns de mulleres padecen esta enfermidade en España, 14 millóns de mulleres en Europa e 176 millóns de mulleres e todo o mundo. E aínda así, con estas cifras, segue sendo unha enfermidade que tarda, de media, entre 7 e 10 anos en diagnosticarse.

Para falar desta doenza acompañounos Bárbara, sexóloga e socia de querENDO, unha asociación sen ánimo de lucro de mulleres afectadas pola doenza da Endometriose, que durante unha sesión faloulles ao alumnado de Sanitaria de que é esta enfermidade, por que tarda en detectarse, síntomas, posibles complicacións e tratamentos.

Moitas grazas querENDO polo voso traballo e a vosa implicación.

 HISTORIAS DE LGTBIFOBIA. 

EXPERIENCIAS DE LGTBIFOBIA. A última data que se traballou co gaio deste Proxecta foi o 17 de maio, Día Internacional contra a Homofobia, a Transfobia e a Bifobia. A pesares de que nos atopamos en pleno século XXI, o colectivo LGTBIQA+ segue a sufrir discriminacións, e a tendencia dos ataques ao colectivo, lonxe de diminuír, vai en aumento. Reflexionar sobre este tipo de discriminación foi o fío condutor desta actividade, na cal o alumnado debía relatar unha historia de Lgtibifobia sufrida na súa contorna máis próxima. Estas son algunhas das historias..................

 PROSTITUCIÓN  E EXPLOTACIÓN SEXUAL. 

Unha das formas de violencia contra a muller que ao mesmo tempo representa un dos negocios más rendibles a nivel mundial é a explotación sexual e a trata de mulleres, nenas e nenos. A isto engádese o debate social sobre se a Prostitución debe ser abolida ou debe ser regulada...... Nesta ocasión o obxectivo desta actividade é que o alumnado reflexionara sobre a situación de vulnerabilidade na que se atopan as mulleres prostituídas, o estigma social que representa a prostitución e quen debe ser sinalado como delincuente.

Neste caso o alumnado de 1º CS de Imaxe para o Diagnóstico  elaboraron por parellas unhas infografías onde analizaban todos estes temas. A continuación podemos ver algúns exemplos dos resultados:

     

A actividade foi proposta a través da aula virtual coas seguintes instrucións:

 8 DE ABRIL: DÍA INTERNACIONAL DO POBO XITANO.  

Como outros anos, este non ía ser menos, sobre todo porque este ano conmemórase o 600 aniversario do Pobo Xitano en España. Visibilizar o pobo xitano, poñendo en valor toda a súa riqueza cultural e achegándose á realidade dun colectivo discriminado ao longo da historia e desmontando todos os prexuízos e falsos mitos construídos en torno a el, non so enriquece, senón que tamén serve para empoderar ao alumnado xitano do centro.   

Para este día, montouse un pequeno Stand no hall do centro onde se repartiron entre todos os membros da comunidade educativa chaveiros, calendarios de peto e marcapáxinas, elaboradas coa axuda de alumnado de 4º ESO e o algún profesorado de Polos Creativos.

“CAL É O TODO?” Co alumnado dos 1º cursos dos CS de Imaxe para o Diagnóstico e Sistemas de Telecomunicacións e Informáticos fíxose unha adaptación da proba “LA PARTE POR EL TODO” do programa de LA 2 de RTVE “Saber y Ganar”, onde o alumnado, coas probas que se ían colgando día a día tiñan que adiviñar cal era o todo que se procuraba, así como explicar as pistas. Por suposto con recompensa......

Neste caso “o todo”, é dicir, a incógnita que se buscaba, era "A COMEMORACIÓN O DÍA 8 DE ABRIL (día do Pobo Xitano) DO 600 ANOS DO POBO XITANO EN ESPAÑA". O alumnado tiña que adiviñar “o todo” e ademais explicar a pista (é dicir, que significaba a pista e como se relacionaba co todo). A continuación móstrase o desenvolvemento do xogo:

Propúxose o acertixo na aula virtual...

Día a día foron colgándose as pisas....  e o alumnado iba incorporando as súas teorías..

E unha vez resolto xa se colgaron as explicacións

Outra das actividades que se desenvolveron nas aulas co gaio do 8 de abril foi elaborar tarxetas con palabras caló ou de orixe caló para logo montar un PASAPALABRA ROMANÍ. Exemplos dos resultados:

 AS FUMIKOS 

Moitas son as mulleres non recoñecidas ao longo da historia, cuxos traballos e logros lles foron usurpados ou simplemente atribuídos aos seus familiares ou compañeiros varóns. Este ano, co gaio do 8 de marzo quixemos sacar á luz a todas esas mulleres escurecidas pola historia identificando as súas conquistas e otorgándolle os méritos correspondentes.  

Neste caso o obxectivo era sacar á luz e dar a coñecer a verdadeira autoría de achados, investigacións, obras artísticas e literarias, e descubrimentos levados a cabo por mulleres pero cuxos méritos non lles foron otorgados ás verdadeiras autoras.

  Metodoloxía: Asináronse tres mulleres por alumna/o a fin de que investigaran sobre as súas persoas e elaborasen unha pequena biografía de cada unha delas para logo expoñer no hall do instituto. Novamente a actividade propúxose a través da aula virtual do módulo de EIE, no apartado de Actividades de Valores, concretando os contidos a tratar e distribuíndo eses contidos entre o alumnado, que debían realizar de xeito individual. Esta actividade traballouse co alumnado de 2º curso do CS de Sistemas de Telecomunicacións e informáticos e do CS de Mantemento Electrónico. Adxúntanse varias capturas cos resultados dalgún traballo e coa montaxe final na entrada do edificio principal do centro.

E para o formato dixital, elaborouse a seguinte presentación:

 MIGRACIÓN E XENOFOBIA 

A primeira data traballada durante a segunda avaliación foi o 18 de decembro, Día Internacional das Persoas Migrantes. Nun centro multicultural como é o IES Ricardo Mella, con alumnado provinte de países tan distintos como Rusia, Venezuela, Arxentina, Líbano, Perú, ou Nixeria entre outros, é indispensable traballar esta data. Os discursos de odio que se cernen sobre o colectivo de persoas inmigrantes traspasa fronteiras, e un discurso que se estende como a pólvora a través das Redes Sociais necesita ser atallado nos centros educativos para garantir a convivencia pacífica entre un alumnado con orixes tan diferentes. Para traballar esta data marcáronse os seguintes obxectivos:

•   Sensibilizar ao alumnado coa situación de precariedade que acompaña ás persoas que se ven obrigadas a abandonar os seus países de nacemento,
•   Visibilizar as súas realidades nos países de acollemento e as situacións de discriminación das que son obxecto.

Para iso, deseñouse una actividade pola cal o alumnado debía realizar unha infografía sobre un contido relacionado coa migración. A actividade, ao igual que outras moitas, propúxose a través da aula virtual do módulo de IPE, no apartado de Actividades de Valores, concretando os contidos a tratar e distribuíndo eses contidos entre o alumnado, que debían realizar por parellas. Esta actividade traballouse co alumnado de 1º CS de Imaxe para o Diagnóstico e Medicina Nuclear de Dual. Adxúntase unha captura de pantalla da aula virtual coas indicacións da tarefa:

 O resultado recolleuse nunha IMAXE INTERACTIVA creada coa ferramenta Genially, na que aparecen todos os traballos, e que se publicou no Blog de Igualdade do centro:

OS DEREITOS HUMANOS VERSIÓN VISUAL THINKING. 

 A terceira data traballada no primeiro trimestre foi o 10 de decembro, data na que se conmemora a adopción por parte das Nacións Unidas da Declaración Universal dos Dereitos Humanos.  Nun momento no que os conflitos armados proliferan, onde a tensión internacional está acadando un nivel elevadísimo, e onde a sociedade cada vez está mais polarizada cuestionando temas tan esenciais como os dereitos humanos, traballar esta data considereina esencial para que o alumnado reflexionase sobre a esencia do humano, sobre como os discursos de odio están calando na sociedade e sobre identificar onde están os límites da intolerancia. Unha Carta de Dereitos fundamentais e inalienables que a ONU redactou como resposta aos “actos de barbarie aldraxantes para a conciencia da humanidade” cometidos durante a Segunda Guerra Mundial debe ser mencionada e recordada sempre, pero sobre todo nos momentos nos que as atrocidades se repiten, e a intolerancia se impón. Ler o articulado da declaración e entendela para poder explicala mediante o debuxo implicou unha labor por parte do alumnado de entender, reflexionar, interpretar e cuestionar.

A actividade propúxose no grupo de 1º do Ciclo Superior de Imaxe para o Diagnóstico, no módulo de IPE 1 Adxúntase unha captura de pantalla da aula virtual coas indicacións da tarefa:

O produto final do traballo móstrase a continuación nunha presentación de Canva. Tamén foi incorporado a un traballo sobre os Dereitos Humanos realizado na ferramenta Genially.

Por último este traballo servirá de base para a elaboración o próximo curso dun xogo de mesa en Polos Creativos, para traballar estes contidos nas aulas da ESO, Bacharelato e nos cursos da FP Básica principalmente. 

 

 3 DE DECEMBRO: DÍA INTERNACIONAL DAS PERSOAS CON DIVERSIDADE FUNCIONAL. 

Outra das datas coas que se traballou este curso foi o 3 de decembro, día internacional das persoas con Diversidade Funcional. Neste caso o obxectivo perseguido era visibilizar ante o propio alumnado e ante o resto da comunidade educativa a situación das persoas con discapacidade, promover a súa inclusión social e laboral, e garantir que gocen dos seus dereitos en igualdade de condicións. Para iso pensamos en achegar ao alumnado referentes con diversidade funcional, celebridades famosas que normalizaron as súas diversidade serven de exemplos de normalización do colectivo de persoas con discapacidade. 

A actividade propúxose no grupo de 1º do Ciclo Superior de Imaxe para o Diagnóstico e no grupo de 2º do Ciclo Superior de Sistemas de Telecomunicacións e Informáticos, nos módulos de IPE 1 e Empresa e Iniciativa Emprendedora. Adxúntase unha captura de pantalla da aula virtual coas indicacións da tarefa.

O resultado da actividade foi a creación dun mural de celebridades con diversidade funcional que se expuxo no Hall do centro ........

E dúas presentacións na ferramenta Canva, unha so coas imaxes e outra de biografías. Aquí as mostras do traballo: 

A VIOLENCIA SEXUAL COMO FORMA DE VIOLENCIA DE XÉNERO. 

Unha das actividades deseñadas este curso 2024/2025 para traballar o día internacional da eliminación da violencia contra a muller centrouse en sensibilizar ao alumnado sobre as diferentes formas de exercer a violencia machista, poñendo o foco principalmente na violencia sexual. 

Para iso, deseñouse una actividade pola cal o alumnado debía realizar por parellas unha infografía sobre un contido relacionado con dita violencia sexual.

A actividade propúxose a través da aula virtual do módulo de IPE, no apartado de Actividades de Valores, concretando os contidos a tratar e distribuíndo eses contidos entre o alumnado, que debían realizar por parellas.  Aquí unha mostra de como se propuxo:

E aquí os resultados:

 

TERCEIRA EDICIÓN DO "CLUB DE LECTURA DE IGUALDADE"

Durante todo o curso desenvolveuse tamén o Club de Lectura de Igualdade, grazas ao apoio da coordinadora xeral dos Clubs de Lectura Cristina López Graça e ao alumnado que participou no mesmo, alumnado maioritariamente do 1º Curso do CS de Imaxe para o Diagnóstico e Medicina Nuclear e tamén unha alumna de 1º CS de Sistemas de Telecomunicacións. 

O primeiro libro co que se traballou foi “Oito días sen Eva Cortés”, de Sara Vila. “A desaparición dunha rapaza en Pontevella sacode a cidade mentres a prensa local comeza a furgar na súa vida familiar e nas relacións persoais. Moitos prexuízos sociais pesan sobre Eva Cortes: ser muller, pertencer a unha familia humilde e frecuentar aplicacións de contactos. Na redacción do Correo de Pontevella non desperdician ningunha información morbosa, aínda que Antía Ubeira non estudase xornalismo para facer dun suceso tan tráxico unha noticia sensacionalista. O seu xefe só pensa en vender xornais, mentres ela se enfronta cada día aos seus principios. O diario de Eva Cortes, as novas do suceso no xornal e a visión de Antía son as tres voces que narran esta novela trepidante”. Con este libro aproveitamos para traballar a temática da violencia de xénero. Estivemos os meses de outubro, novembro e decembro, e participou alumnado de 1º CS IDMN, de 1º CS AF e 1º CS STI.

Ao remate do mesmo, o 19 de decembro Sara Vila, a autora, achegouse ao centro para compartir con nos un pequeno faladoiro sobre o libro,  as súas inquedanzas e de como  xurdiu Oito días sen Eva Cortés. Unha agradable reunión onde falamos de lectura e violencia machista.

Para o segundo libro (nos meses de Febreiro a Abril) foi a quenda de “Infamia”, un libro de Ledicia Costas, unha historia na que se misturan temas que lamentablemente enchen os titulares dos xornais  todos os días: abusos sexuais do clero, pedofilia, homofobia, violencia sexual ou corrupción. Participou alumnado de  1º CS IDMN e de 1º CS STI. “Emma Cruz é avogada e profesora de Dereito Penal. Trasládase a Merlo para impartir clases na Universidade, sen saber que ese lugar está marcado pola desgraza. A súa chegada coincide co 25 aniversario da desaparición das irmás Giraud, dúas nenas ás que semella que tragou a terra.” Nesta ocasión non puidemos contar coa autora xa que a falta de orzamento imposibilitou tal encontro. 

 

ENCONTRO CON ELENA VÁZQUEZ, ALUMNA DE 3º ESO

O 28 de maio organizamos un encontro entre o alumnado de 1º curso de CS de Sistemas de Telecomunicacións e Elena Vázquez, alumna de 3º ESO, na que o curso de 1º de STI escoitou de primeira voz a súa experiencia vital e xuntos reflexionamos sobre a necesidade de sensibilizar ao alumnado coas persoas afectadas de diversidade funcional.

oi un momento moi emotivo, xa que Elena compartiu as súas vivencias persoais e fíxonos pensar nas numerosas barreiras coas que se atopa no seu día a día e que para nos moitas delas pasaban inadvertidas.

 

"A ORIXE DAS DESIGUALDADES"

Aproveitando que Carmen Armada Olleros, profesora asociada da Área de Filosofía da Universidade de Vigo (Campus de Ourense) estivo no centro como docente durante un tempo neste curso, no mes de maio organizáronse 3 faladoiros sobre a orixe das desigualdades. 
O alumnado participante foi o 1º curso do CS de Imaxe para o Diagnóstico e Medicina Nuclear, o 1º curso do CS de Administración e Finanzas e o 1º curso do CM de Coidados Auxiliares de Enfermaría.

 

FALADOIRO "A NOVA ESCRAVITUDE DO SÉCULO XXI: TRATA DE SERES HUMANOS CON FINS DE EXPLOTACIÓN SEXUAL, OUTRA FORMA DE VIOLENCIA DE XÉNERO".

Trátase dun recurso do Plan Proxecta polo cal o 19 de abril se impartiron no centro 2 faladoiros: 1 con 1º BACH H e o 1º curso do CS de Sistemas de Telecomunicacións e outro con 1º BACH C e o 1º curso do CS de Administración e Finanzas. 

Neste caso foron impartidos por Estefanía Eléxpuru Boullosa, técnica do Proxecto Novicom de ACCEM. O alumnado reflexionou sobre o concepto de trata e a prostitución como unha forma de violencia sobre a muller.